Command & Conquer herkænskuleikirnir nutu mikilla vinsælda um seinustu aldamót en lítið hefur verið að frétta af seríunni síðastliðin ár. EA Games tilkynnti á E3 tölvuleikjasýningunni að nýr Command & Conquer leikur væntanlegur á snjalltæki og hefur leikurinn fengið nafnið Command & Conquer Rivals.
Leikurinn er hraður og frekar einfaldur í spilun…
Í leiknum berjast tveir spilarar um yfirráðasvæði í rauntíma. Hver leikur tekur aðeins nokkrar mínútur og er hannaður með snjalltækin í huga. Báðir leikmenn eru með eina bækistöð sem andstæðingurinn reynir að eyðileggja sem fyrst. Sá spilari sem nær að halda fleiri yfirráðasvæðum á kortinu áður en tíminn rennur út nær stjórn yfir eldflaug sem sprengir bækistöð andstæðingsins. Leikurinn er hraður og frekar einfaldur í spilun en virðist þó bjóða upp á ýmis herkænskubrögð, en þó ekkert í líkingu við gömlu góðu C&C leikina.
Leikurinn er væntanlegur á Android og iOS en hægt er að nálgast pre-alpha útgáfu á leiknum nú þegar á Android-tækjum.
Viltu fleiri fréttir frá E3 2018? Smelltu hér!