Microsoft hefur að undanförnu unnið að því að fá fleiri og fleiri Xbox 360 leiki til að virka á Xbox One. Nú virka yfir 300 Xbox 360 titlar á Xbox One leikjatölvunni. Á E3 kynningu Microsoft tilkynnti fyrirtækið að fleiri leikir eiga eftir að bætast við þann lista auk þess sem valdir leikjatitlar frá upprunalegu Xbox leikjatölvunni eiga eftir að virka á Xbox One, þar á meðal Crimsons Skies.
… leikjatitlar frá upprunalegu Xbox leikjatölvunni eiga eftir að virka á Xbox One, þar á meðal Crimsons Skies.
Microsoft var um tíma harðlega gagnrýnt fyrir að bjóða ekki upp á þann möguleika að geta spilað Xbox 360 leiki í nýju Xbox One leikjatölvunni og hefur fyrirtækið augljóslega tekið þeirri gagnrýni nokkuð alvarlega. Samkvæmt tölum sem gefnar voru upp á kynningunni hafa í kringum 40-50% Xbox One spilara spilað Xbox 360 leikjatitla á Xbox One leikjatölvunni svo það er greinilega enn mikill áhuga fyrir eldri tölvuleikjum.