Zelda snjallsímaleikur væntanlegur frá Nintendo
Ef marka má nýjustu fregnir vikunnar bendir margt til þess að Nintendo séu með sjallsímaleik byggðan á Zelda seríunni í vinnslu um þessar mundir. Nintendo hefur nú þegar gefið út leiki byggða á Super Mario, Fire Emblem og Miitomo fyrir snjallsíma. Næst á dagskrá verður leikur byggður á Animal Crossing seríunni og mun Zelda væntanlega fylgja þar á eftir.
Það verður fróðlegt að sjá snallsíma útgáfuna af Zelda eftir velgengni Breath of the Wild sem kom út í byrjun mars fyrir Wii U og Switch. Hvort Nintendo muni rukka startgjald fyrir leikinn eða bjóða upp á fría spilun með valkost á að versla ýmsa hluti í leiknum sjálfum á enn eftir að koma í ljós.
Miðað við útgáfu Super Mario Run er erfitt að ímynda sér Nintendo fara sömu leið og rukka $10 Bandaríkjadali fyrir snjallsímaleik. Sérstaklega þar sem Fire Emblem var frír í spilun og gekk mun betur að fá notendur til þess að versla hluti í leiknum og halda þeim lengur við efnið.
Mynd: Flaticon.com / Trifoce merkið
Þú hefur kannski áhuga á þessu...
Leikjavarpið #46 – PlayStation Showcase 2023 og The Legend of Zelda: Tears of the Kingdom →
Sjö ómissandi Switch leikir →
Vilhelm Smári heimsótti Super Nintendo World og hitti Mario og Luigi – „Algjörlega heimsóknarinnar virði“ →
