Í tilefni hinsegin dögum þá fannst mér við hæfi að gera lista með mínum uppáhalds tví- og samkynhneigðum myndasögumpersónum. Ef það er einhver persóna sem þér finnst vanta á listann þá máttu endilega láta vita í kommentunum hér fyrir neðan. Njóttu listans og eigðu gleðilega hinsegindaga.

10. Mystique (X-Men)

Þó að Mystique hefur haft ástarsamband með mörgum karlmönnum í Marvel heiminum og eignast börn með þó nokkrum þeirra þá er það einnig þekkt að hún hafi verið í ástarsamböndum með konum.

9. Upsher og Doff (Saga)

Upsher og Doff eru blaðamenn frá plánetunni Jetsam. Þeir ferðast um allan heiminn til að geta skrifað bestu blaðagreinarnar og komast þeir of í mjög hættulegar aðstæður. Þó að þeir séu aukapersónur í myndasögunni Saga þá er ávallt áhugavert að fylgjast með ævintýrum þeirra.

8. Betty (Rat Queens)

Betty er ein af aðalpersónunum úr hinni sí vinsælu fantasíu seríu, Rat Queens. Þó að Betty er einhverskonar hobbiti þá hefur hún stórt hjarta og er hugrökk sem ljón.

7. Kisi (Eineygði kötturinn Kisi)

Kisi er nokkuð einfaldur köttur sem elskar „Gilmore Girls“ og músakjöt með vindaloo-sósu. Hann hefur bjargað heiminum frá innrás hnakka og barist við kreppuna. Kisi var ekki opinberlega samkynhneigður fyrir lesendum hans fyrr en 2010 þegar fyrverandi kærasti hans var kyntur til sögunnar, þó fyrir það var það gefið í skyn að hann væri samkynhneigður.

6. Alan Scott (Earth-2)

Alan Scott er fyrsti Green Lanterninn sem var kyntur til sögunar 1940 og var hann þá gagnkynhneigður en árið 2012 var því breytt í New-52 endurgerðinni hjá DC. Alan er því miður einn af örfáum samkynhneigðum persónum í DC heiminum og var það því stórt skref fyrir fyrirtækið.

5. Páll Óskar (Ógæfa)

Í fyrra gaf einn stærsti höfundur þjóðarinnar, Hugleikur Dagsson, út bókina Ógæfa. Aðalpersóna Ógæfu er enginn annar enn popp-kóngurinnsjálfur, Páll Óskar, sem þarf að berjast uppvakninga í hundrað og einum. Síðan þessi bók kom út þá hefur mig virkilega langað í myndasögu þar sem Páll Óskar er ofurhetja sem bjargar heiminum frá allskonar ógnum.

4. Northstar og Kyle Jinadu (Astonishing X-Men)

Árið 2012 tók Marvel stórt skref í sögu myndasagna og létu ofurhetjuna og X-manninn Northstar byðja um hönd kærasta síns í Astonishing X-men #50 og meðfylgjandi brúðkaup í Astonishing X-men #51. Þetta var fyrsta samkynhneigða brúðkaupið sem hefur komið fram í myndasögum og vakti það mikla athygli um allan heim. Flest allir fögnuðu þessum atburði en þó fengu nokkrar búðir kvörtunarbréf frá foreldrum fyrir að selja börnum þessi tvö blöð.

3. Wallace Wells (Scott Pilgrim)

Wallace Wells er einn vinsælasti karakter úr vestrænu manga-sögunum um Scott Pilgrim. Flestir þekkja hann úr myndinni sem Edgar Wright leikstýrði og geta allir sem hafa séð myndina komið með sniðugan og skemmtilegan frasa sem Wallace kom með.

2. Wiccan og Hulkling (Young Avengers)

Wiccan og Hulkling eru hluti af ofurhetjuliðinu Young Avengers sem kom fyrst fram 2005-2006 og var það þá sem þeir byrjuðu sambandið og hefur það þróast mikið í nýju Young Avengers seríunni sem kom út 2013.

1. Kate Kane (Batwoman)

Batwoman er án efa ein sterkasta og áhugaverðasta ofurhetja sem hægt er að lesa um í dag. Hún á oft mjög erfitt með að lifa tvöföldu lífi sem ofurhetja og elskuhugi og er því mjög gaman að sjá hvernig samband hennar og kærustunnar, Maggie Sawyer. Fyrir ári plönuðu rithöfundar seríunar að láta þær gifta sig en DC tóku sá óvinsælu ákvörðun að banna þeim það. Margir lýstu yfir óánægju sinni á þessari ákvörðun þar að meðal rithöfundarnir sem ákváðu að hætta að skrifa þennan titil því þeir töldu þetta brúðkaup vera mjög mikilvægt í þróun persónanna.

HÖFUNDUR:
ÞRÁNDUR JÓHANSSON