Sena staðfesti í dag útgáfudag PlayStation 4 á Íslandi, en nýja leikjatölvan frá Sony kom í bandarískar verslanir fyrr í þessum mánuði. Leikjatölvan kemur í íslenskar verslanir eftir tvo mánuði, eða miðvikudaginn 29. janúar 2014, sem verður að teljast heldur seint. Fjöldi Íslendinga hefur nú þegar tekið af skarið og keypt sér leikjatölvuna í gegnum bresku Amazon vefverslunina. En það hefur verið ljóst frá því í lok ágúst að útgáfu PS4 og Xbox One myndi seinka hér á landi.
Orðrómar eru um að PSN Store sé væntanleg til Íslands.
Fréttatilkynningu Senu má lesa í heild sinni hér.