Lúðrasveitin Svanur heldur tónleika sem eru tileinkaðir tölvuleikjatónlist þriðjudaginn 19. nóvember næstkomandi í Norðurljósasal Hörpu. Tónleikarnir bera yfirskriftina Tónlist tölvuleikja og er liður í tónleikaröðinni Lúðraþyt í Hörpu. Lúðrasveitin mun meðal annars spila lög úr Zelda leikjunum, Halo, Civilization, WoW, EVE, Elder Scrolls, Pokémon, Castlevania og Battlefield. Miðaverð er 2.000 kr.
Þetta er ekki í fyrsta sinn sem tölvuleikjatónlist er spiluð í Hörpu. Apríl síðastliðinn spilaði Sinfóníuhljómsveit Íslands valin lög úr EVE Online á EVE Fanfast 2013 í tilefni 10 ára afmæli leiksins.
Við hvetjum alla tónlistar- og tölvuleikjaunnendur til að mæta!
Smelltu hér til að kaupa miða á Harpa.is.
Smelltu hér til að skoða viðburðinn á Facebook.
Höfundur er Bjarki Þór Jónsson,
ritstjóri Nörd Norðursins.