PlayStation Vita er komin í verslanir
Nýjasta handahelda leikjavélin frá Sony, undratækið og ofurgræjan PlayStation Vita, kom í evrópskar verslanir í gær. Sjö ár eru liðin frá útgáfu PlayStation Portalble (eða PSP), fyrirrennara Vita, og er nýjasta vélin mun öflugri en sú gamla og býður upp á enn fleiri möguleika. Sena, umboðsaðili PlayStation á Íslandi, hefur sett upp sérstaka síðu sem er tileinkuð PlayStation Vita. Á síðunni er meðal annars talið upp hvað nýja leikjavélin inniheldur:
Tvær myndavélar sem leikmenn geta notað til að draga raunverulegt umhverfi okkar inn í leikina (augmented reality).
5″ OLEd snertiskjá sem skilar ótrúlegum gæðum leikjanna á einstakan hátt. Óhætt er að fullyrða að önnur eins gæði hafi ekki sést áður í lófatölvu. Snertiflötur skjásins er svo einstaklega nákvæmur og eykur enn á upplifunina.
Snertiflöt aftan á tölvunni sem hefur áhrif í stýringu leikjanna. Þú getur til að mynda smellt fingrinum upp í hornið á snertifletinum til setja boltann í vinkilinn í Fifa 12.
GPS. Nú getur þú séð hverjir í kringum þig eru að spila á Vita tölvuna og spilað svo við þá í gegnum þráðlaust net eða 3G.
Tengingu við Playstation 3. Fjölmargir leikir eru þannig hannaðir að þú getur byrjað að spila þá á Playstation 3 tölvunni heima hjá þér og haldið svo áfram að spila þá í Vita hvar og hvenær sem þér hentar. Einnig geta Vita eigendur keppt við Playstation 3 eigendur í gegnum netið.
Tveir analogue þumalpinnar. Hér er um algjöra byltingu að ræða en nú er loksins hægt að spila skot- og hasarleiki fullkomlega á tölvu sem hægt er að ferðast með.
– BÞJ
Þú hefur kannski áhuga á þessu...
Flott PC útgáfa af Horizon: Forbidden West →
Final Fantasy VII Rebirth – „Ævintýrið heldur áfram“ →
Er framtíðin streymandi? →
