Að mínu mati eru flestar jólamyndir ólöglega leiðinlegar, illar gerðar með jóla-dramatík á sjöföldum sterum. Notebook og Titanic eru til að mynda með hóflega skammta af dramatík miðað við margar (bandarískar) jólamyndir. Drama á vissulega rétt á sér en þegar 99% af öllum jólamyndum fylgja sömu uppskriftinni er blandan orðin helvíti lúin.
Hér hef ég tekið saman lista yfir þær myndir sem – að mínu mati – má flokka sem vel heppnaðar jólamyndir og eru flestar þeirra auk þess með einhvers konar nörda ívafi. Vonandi koma þessar myndir ykkur í jólagírinn elsku njérðir!
Hogfather (2006)
Það eru jól í Discworld, eða Hogwatch ein og þau kallast þar á bæ, og „jólasveinninn“, eða Hogfather, hefur horfið! Og hver er hentugri til að taka hans hlutverk en sjálfur DAUÐINN!?
The Nightmare Before Christmas (1993)
Brúðu- og söngleikur um konung Hrekkjavökubæjar, Jack Skellington, sem uppgötvar Jólabæinn en skilur ekki aaalveg út á hvað jólin ganga. Dimm og krúttleg mynd.
Rare Exports: A Christmas Tale (2010)
Djúpt undir fjallsrótum leynist best geyma leyndamál jólanna! Í þessari finnsk-skandinavísku mynd er sjálfur jólasveinninn grafinn upp – og hann er ekki hress!
Black Christmas (1974)
<kaldhæðni> Það er fátt jólalegra en brjálæður morðingi sem drepur um jólin! </kaldhæðni>
The New Batman Adventure: Fyrsta sería, fyrsti þáttur – Holiday Knights (1997)
Nana-nana-nana-nana – BATMAN! Þetta er þáttur með jólaþema úr Batman teiknimyndaseríunni.
Gremlins (1984)
Ungur strákur fær nýtt sætt og loðið gæludýr – svokallaðan Mogwai – sem kemur með ekki-eins-sæt dýr (m.ö.o. kvikindi!) sem gera fátt annað en að valda eyðileggingu og usla.
Örstutt jól / Unholy Night (2007)
Íslensk 10 mínútna stuttmynd þar sem sagt er frá óhugnanlegir atburðum sem eiga sér stað þegar jólasveinninn Ketkrókur hittir hóp af ungu fólki.
Død Snø / Dead Snow (2009)
Norsk mynd um nasista uppvakninga! Það er í rauninni afar fátt jólalegt við þessa mynd – nema kannski snjórinn! – en ég bara varð að setja hana á þennan lista – „EIN, ZWEI… DIE!“
Aðrar ekki-eins-nördalega-myndir sem vert er að nefna fyrir jólin:
Bad Santa, Christmas Vacation, Die Hard 1 og 2, Elf, Home Alone 1 og 2, Scrooged, The Muppets Christmas Carol.