Útgefandi: Archona Games
Fjöldi leikmana: 1-5
Gangur spilsins 🎲
Þið eruð héraðslæknar í fortíðinni sem þurfa að ferðast um sveitir lands sem liggur í pest. Þetta er vinnumannaspil þar sem þið veljið um að lækna fólk, rannsaka/kaupa búnað, ferðast milli þorpa, byggja upp þorpin og fleira. Plágan getur orðið erfið viðureignar þar sem spilið sendir á þig mismikið af sjúklingum og ef þú hefur ekki pláss í sóttvarnarhúsinu þínu þarftu að senda þá beint í líkhúsið ☠️
Það sem okkur líkaði 😍
⦿ Þemað og útlitið er auðvitað æðislegt, myrkur og dauði sem getur alveg verið kósý að leika sér að.
⦿ Þetta er vinnumannaspil en þú ert samt líka að ferðast um borð og byggja byggingar, sem sagt sitt lítið af hverju þegar kemur að virkninni sjálfri sem er skemmtilegt.
⦿ Gott flæði og ekki of langt á milli umferða því aðgerðirnar eru flestar nokkuð einfaldar og fljótlegar.
Það sem mætti útfæra betur 🧐
⦿ Það mætti vera meiri virkni á milli spilara, fólk er svolítið í sínum eigin heimi í þessu spili og spilið sjálf með sína sjúklinga erfiðasti mótspilarinn.
⦿ Spilið er mjög stórt og Auður þurfti til dæmis að standa upp og ganga hinum megin að borðinu okkar til að sjá hvaða lækningatæki voru í boði á markaðnum hverju sinni. Borðið tók hvern þumal af 8 manna borðstofuborðinu okkar og við vorum bara þrjú að spila.
Á heildina litið 🤓
Við erum bara búnar að spila þetta spil einu sinni svo þetta er það sem okkur finnst við fyrstu sýn. Værum alveg til í að grípa í það aftur því þetta er vel hannað, miðlungsþungt spil með sjúklega flottu þema (pun intended!).
Þessi færsla var upphaflega birt á Instagram-síðu Dr. Spil
Myndir: Doktor Spil og Archona Games