Beyond víkkar heima No Man’s Sky
Með útgáfu NEXT uppfærslunnar fyrir leikinn No Man’s Sky í fyrra voru líklega sumir sem bjuggust við meiri áherslu á fjölspilun eða þeirra fjögurra manna sem var í boði. Fyrir aðra var þetta meira en nóg og gerði för þeirra í gegnum undraheima geimsins skemmtilegri.
Með Beyond uppfærslunni sem kemur í ágúst þá mun leikurinn stækka til muna og verða betri í fjölspilun og tengingu við aðra leikmenn og vonandi fleiri leikmenn að spila á sama tíma en áður. Á sama tíma kemur sýndarveruleika stuðningur við leikinn á PC og Playstation 4.
Pakkinn mun innihalda þrennar uppfærslur í einum niðurhalspakka að sögn Hello Games hönnuða leiksins. „Þessar breytingar eru blanda af viðbætum sem okkur er búið að dreyma um í nokkurn tíma og úrbætur vegna viðbragða fólks síðan NEXT kom út“.
Sýndarveruleiki (VR) er eitthvað sem myndi passa vel við leikinn og gefa honum nýja vídd í spilun og verður forvitnilegt að sjá hvernig það kemur út á helstu VR tækjunum á PC og PS4.
Það er ótrúlegt að sjá breytinguna á No Man’s Sky síðan að hann kom út í ágúst 2016. Eins og gagnrýnandinn okkar Steinar sagði um leikinn þá var hann „Óslípaður demantur“ og Hello Games hafa eytt ótal tímum í að slípa hann til á síðustu árum í stað þess að leyfa honum að fjara út eins og margir útgefendur hafa gert með leiki sem hafa ekki slegið strax í gegn við útgáfu.
Við mælum með að skoða gagnrýni hans hérna fyrir leiknum eins og hann var við útgáfu.
Við ættum að sjá meira af leiknum á næstu vikum og verður þessi uppfærsla frí fyrir alla sem eiga leikinn á PC, PS4 og Xbox One þegar Beyond kemur út 14. ágúst næstkomandi.
Heimild: Hello Games
Þú hefur kannski áhuga á þessu...
FM 25 kemur út 26. nóvember →
Ragnarök Kratos mæta á PC →
Warhammer 40K: Space Marine 2 →
