Gamestöðin hættir í Smáralind
Á morgun, sunnudaginn 24. júlí, mun Gamestöðin loka í Smáralind. Þetta tilkynnti Gamestöðin á Facebook-síðu sínni í byrjun vikunnar. Liðin eru tæp þrjú ár síðan að Gamestöðin opnaði verslun sína í Smáralind og kynnti til leiks 45 fermetra leikjasal þar sem gestir gátu fengið sér sæti og prófað leiki í nýjustu leikjatölvunum. Til að byrja með var Gamestöðin með Skífunni í verslunarrými Smáralindar en síðar hætti Skífan og Gamestöðin tók við öllu verslunarplássinu.
Gamestöðin mun halda áfram í Kringlunni en verður með rýmingarsölu í verslun sinni í Smáralind.
Hér má lesa tilkynningu Gamestöðvarinnar í heild sinni:
Núna er komið að því að Gamestöðin mun kveðja Smáralindina – þann 24. júlí nánar tiltekið – og verður því útibúið í Kringlunni eitt eftir. Við höfum opnað aftur fyrir leikjaskil í báðum búðum, en verðlækkunin heldur sér á öllum vörum þar til Smárabúðin lokar dyrum sínum næstkomandi sunnudagskvöld. Þetta hefur verið gaman og stendur Gamestöðin í þökkum við Smáralindina fyrir frábært búðarpláss og eru góð þrjú ár að baki. Takk fyrir okkur.
Þú hefur kannski áhuga á þessu...
Spurt og spilað: Bjössi í Gamestöðinni →
Veldu tölvuleik ársins 2021 – Þú gætir unnið 5.000 gjafabréf í Gamestöðinni! →
Afmælisveisla á Twitch – Spilum leiki og gefum veglegar gjafir! →
