Ný stikla kom frá Santa Monica Studio sem sýnir eldri og rólegri Kratos á veiðum með syni sínum. Leikurinn sem heitir einfaldlega God of War (einkennilegt nafn þar sem þetta virðist ekki vera endurgerð af fyrsta leiknum) og virkar öðruvísi en fyrri leikir. Heimurinn er mun opnari og maður fær reynslustig fyrir að uppgötva nýja staði, það er spurning hvort við séum að fá God of War í Skyrim heimi en bardagaatriðin í stiklunni eru samt eins og beint úr þessum klassísku GoW bardögum þannig að það lofar góðu. Samband Kratos og sonarins er mjög eftirtektarvert og bendir til breyttra áherslna.
Enginn útgáfudagur er kominn ennþá og kemur út á PS4.