Stiklur og sýnishorn úr Final Fantasy XV

Nýjar stiklur og sýnishorn úr nýjasta Final Fantasy leiknum, Final Fantasy XV, lentu á netinu fyrr í dag. Það sem við sjáum lofar góðu og eflaust kitlar marga FF spilara í puttana að sjá sýnishornin. Aðalstiklan inniheldur einstaklega fallega og vel heppnaða Stand by Me ábreiðu með Florence + the Machine.

Leikurinn er væntanlegur 30. september á PlayStation 4 og Xbox One en á meðan þið bíðið getið þið notið þess að horfa á sýnishornin hér fyrir neðan og horft á nýju Brotherhood: FF XV anime seríuna.