Bethesda tilkynnti á E3 tölvuleikjasýningunni að Fallout 4 kæmi í verslanir 10. nóvember næst komandi. Sérstök safnaraútgáfa (Collectors Edition) verður gefin út af leiknum og mun sú útgáfa innihalda eftirlíkan af Pip-Boy. Hægt er að klæðast Pip-Boy, festa símann í sérstöku hólfi sem er innbyggt í Pip-Boy og nota hann fyrir skjá. Bethesda mun gefa út sérstakt app fyrir snjallsíma svo Pip-Boy mun virka á svipaðan hátt í raunveruleikanum og í leiknum. Þannig getur spilarinn fengið upplýsingar um ýmislegt í leiknum í gegnum appið (eða Pip-Boy).
https://youtu.be/g5H7Qq8quKg?t=56s
Tekið skal fram að appið virkar að sjálfsögðu líka án Pip-Boy.
Appið verður fáanlegt á iOS og Android um leið og leikurinn kemur í verslanir.
BÞJ / Heimilid: Bethesda á E3 2015