Kynning á leikjastyrk og leikjahönnun í boði IGI í kvöld
IGI, samtök íslenska leikjaiðnaðarins, heldur kynningu á leikjahönnun og þróunarstyrk ætluðum leikjafyrirtækjum. Kvöldið byrjar klukkan 20:00 á Kex Hostel og eru allir áhugasamir hvattir til að mæta.
Ólafur Andri Ragnarsson mun segja frá þróunarstyrk sem Nordic Game Development Support veitir leikjafyrirtækjum. Ólafur er í nefndinni sem fer yfir þær umsóknir sem berast og mun gefa hlustendum nokkra góða punkta varðandi umsóknarferlið.
Þar á eftir mun Arelius Sveinn Areliusarson fjalla um leikjahönnun og skrif Chris Batemans, en Arelius skrifaði ritgerðina Designing Computer-Games Preemptively for Emotions and Player Types þar sem fjallað er um mismunandi gerðir tölvuleikjaspilara og tölvuleikjahönnun.
-BÞJ
Þú hefur kannski áhuga á þessu...
Íslenska leikjafyrirtækið Porcelain Fortress kynnir Walk of Life →
Phantom Spark er kominn út →
Íslenskur kappakstursleikur á Steam Next Fest →
