Stjörnuskoðunarfélag Seltjarnarness bendir á tvo áhugaverða fyrirlestra sem eru framundan í september í fréttapósti sem var sendur út í gær:
Nóbelsverðlaunahafi segir frá nýjustu rannsóknum í öreindafræði
Þriðjudaginn 10. september 2013 flytur David Gross, prófessor í eðlisfræði við Kavli-stofnunina í Kaliforníuháskóla í Santa Barbara og handhafi Nóbelsverðlauna í eðlisfræði árið 2004, fyrirlestur um nýjustu rannsóknir í öreindafræði og strengjafræði.
Fyrirlesturinn fer fram á ensku í hátíðasal Háskóla Íslands (2. hæð í aðalbyggingu)
Fyrirlesturinn hefst klukkan 15:30. Aðgangur er ókeypis og eru allir velkomnir.
Nánari upplýsingar um fyrirlesturinn er að finna á Stjörnufræðivefnum: http://www.stjornufraedi.is/tilkynningar/nr/1452
Félagsfundur mán. 16. sept.
Fyrsti félagsfundur vetrarins fer fram mánudaginn 16. september kl. 20:00 í Valhúsaskóla. Á fundinum mun franski ljósmyndarinn Stéphane Vetter sýna myndir og myndskeið af norðurljósunum sem hann hefur meðal annars tekið síðustu tvær vikur sem hann hefur dvalið hér á landi. Hann mun einnig veita félagsmönnum góð ráð í myndatökum.
Stéphane Vetter hefur tekið margar glæsilegar myndir af stjörnuhimninum yfir Íslandi. Nægir þar að nefna myndir eins og þessar
http://www.nuitsacrees.fr/albumphoto2/page1.html
http://www.nuitsacrees.fr/albumphoto2/page24.html
http://www.nuitsacrees.fr/albumphoto2/page33.html
http://www.nuitsacrees.fr/albumphoto2/page17.html
Það eru allir velkomnir á félagsfundinn!