Hugverkið mitt: Hörður Smári hannar skotleik í HTML5
Hörður Smári Jóhannesson, 36 ára forritari sem hefur unnið sem forritari í vefdeild CCP síðan 2006, hefur verið að kynna sér möguleika HTML5 og ákvað að hanna einfaldan tölvuleik sem hægt er að spila á netinu.
En hvað varð til þess að Hörður Smári hannaði þennan leik og hvert er takmarkið í honum?
Hörður svarar:
Verandi forritari og forfallinn leikjanörd hef ég alla tíð fiktað við leikjaforritun, sótt óteljandi SDK og umhverfi, tvívíð og þrívíð, byrjað á nýjum hugmyndum leikjum í þeim öllum sem hafa allir fjarað út vegna m.a. of metnaðarfullra markmiða, hönnunarleysis og oftar en ekki hef ég algjörlega gleymt mér í að teikna eða módela hluti sem eiga að tengjast leiknum.
Undanfarið hef ég verið að fikta í HTML 5 og eftir að hafa lært að teikna einföld form á skjáinn ákvað ég hlyti að geta komið einföldu umhverfi í gang og gert lítinn leik sem hægt væri að spila í gegn á 10 min.
Að fenginni persónulegri reynslu vissi ég að ég þyrfti að skera niður öll flækjustig í spilun, grafík, hönnun, forritun og uppbyggingu.
Ég var ekki með neina hönnun eða spilun í huga þegar ég byrjaði, lét spilunina ráðast frekar af því sem ég gat þá þegar látið gerast á skjánum, sem var að skjóta og hitta skotmörk á hreyfingu.
Leikurinn snýst því eingöngu um það.Hljóðin fékk ég úr public domain söfnum, stigagjöf var sett inn rétt í lokin og ætti að skýra sig sjálf en því erfiðara sem er að hitta skotmark því fleiri stig eru gefin. Vanur maður ætti að ná 12000-13000 stigum í einum leik.
Takmarkið náðist, ég vil meina sjálfur að hægt sé að kalla þetta leik þó hann sé stuttur, einfaldur og öll framsetning í lágmarki.
Hvað nærð þú mörgum stigum?
Smelltu hér til að spila leikinn.
– BÞJ
Þú hefur kannski áhuga á þessu...
Leikjavarpið #26 – Ratchet & Clank, Steam Deck og Activision Blizzard kæran →
Ring Fit áskorun í febrúar! →
Leikjavarpið #20 – Væntanlegir leikir 2021, Indiana Jones og Star Wars →
