Í 4. tölublaði af Nörd Norðursins munum við fjalla um og dæma Duke Nukem Forever og nýjasta Sims 3 aukapakkann.
Auk þess verður farið yfir það helsta úr E3 leikjatölvu- og tölvuleikjasýningunni sem var í byrjun júní, við rennum yfir það áhugaverðasta úr Webby verðlaununum, birtum myndir úr uppvakningagöngunni í Reykjavík, rýnum í kvikmyndirnar Super 8 og X-Men: First Class og íslenska hrollvekju smásögusafnið Myrkfælni, skoðum venslakerfið Rel8 og birtum fjórða og síðasta hluta Sögu leikjatölvunnar. Fastir liðir á borð við fréttir, tölvuleikjapersónu mánaðarins og retroleik mánaðarins verða svo á sínum stað.
Daníel Páll Jóhannsson, Erla Jónasdóttir, Axel Birgir Gústavsson, Jóhann Þórsson og Bjarki Þór Jónsson skrifa efni í blaðið að þessu sinni.
Blaðið verður hægt að nálgast ókeypis hér á heimasíðunni mánudaginn 4. júlí.