Síðasti stóri blaðamannafundurinn á E3 í ár var frá japanska leikjafyrirtækinu Nintendo. Kynning fyrirtækisins hófst á heldur furðulegan, en skemmtilegan hátt, þar sem þeir Satoru Iwata og Reggie Fils mættust í einum svakalegasta bardaga sögu E3 (og tengist nýjasta Super Smash Bros.)!

Kynningin var ekki í beinni útsendingu líkt og hjá Microsoft, Sony, Ubisoft og EA, heldur var búið að taka allt efni upp og klippa það til fyrir kynninguna. Að bardaga loknum hófust leikjakynningarnar og ber þar helst að nefna nýjan Zelda leik, Mario Maker og Nintendo kynnti einnig til sögunnar svo kallað amiibo, sem virkar á svipaðan hátt og Skylanders, þar sem Nintendo fígúrur virka í tölvuleikjum. Til dæmis verður hægt að nota Mario fígúru sem virkar í Super Smash Bros. og Mario Kart.

Hér fyrir neðan má nálgast sýnishornin úr leikjunum frá Nintendo.