Keppnin Ofurnördinn er árleg viðureign Tvíundar, nemendafélags tölvunarfræðideildar HR, og Nörds, nemendafélags tölvunarfræðideildar HÍ. Keppnin hefst á morgun, miðvikudag og stendur fram á föstudagskvöld en þá er lokakvöldið haldið í Valsheimilinu. Keppt er í ansi óhefðbundnum greinum í Ofurnördinum en dæmi um keppnisgreinar eru borðtennis, tölvuleikir, bjórþamb, Guitar Hero-frammistöðu og IKEA-samsetningu. Á föstudagskvöld eru aðalverðlaun keppninnar, stórglæsilegur bikar, afhent við hátíðlega athöfn. Þess má geta að tölvuleikjakeppnin er haldin í HR á fimmtudagskvöld. Hægt verður að sjá frammistöðu keppenda með tengli á Facebook-síðu Tvíundar. Félögin skila einnig inn myndböndum sem sýnd eru á lokakvöldinu.
Fyrri færslaUTmessan haldin í Hörpu 7. og 8. febrúar
Næsta færsla DVD rýni: AVGN Vol. 2