Topp 5: Marvel myndasögur ársins 2013
5. Hawkeye
Hver hefði haldið að hægt væri að skrifa heilt blað frá sjónarhorni hunds? Matt Fraction og David Aja gerðu það og það var yndislegt! Þetta er mjög gott dæmi um hversu einföld og hjartnæm þessi sería getur verið. Sagan er frekar einföld, hún fylgir Hawkeye í sínu daglega lífi og sýnir hversu erfitt það er að vera ofurhetja með enga ofurkrafta sem verður til þess að þessi sería ætti að vera kölluð hetjusaga en ekki ofurhetjusaga. Ævintýri Hawkeyes er miklu mannlegri og trúlegri en ævintýri annara Marvel karaktera, þó eru aðstæðurnar sem hann lendir í ekki eitthvað sem fólk lendir í daglega.
4. Young Avengers
Þó að Young Avengers serían sé markaðsett sem unglinga sería þá er fólk á öllum aldri að skemmta sér konunglega við að lesa hana. Young Avengers er skrifuð af Kieron Gillen og Jaimie McKelvie sem hafa einnig unnið saman að Ohonogram. Þeir eru þekktir fyrir að geta skrifað unglinga eins og unglingar eru í raunveruleikanum. Talsmáti, áhugamál og sambönd persónanna eru öll mjög raunveruleg og skemmtileg. Jaimie McKelvie fær stórt hrós fyrir að leika sér með ramma og uppsetningu sem verður til þess að þessi myndasaga er algjört augnakonfekt.
3. Deadpool
Við viljum byrja á því að segja að Deadpool er einn fyndnasti karakter í myndasögum, punktur. Hann hefur verið skrifaður ílla áður fyrr en það er oftast þegar rithöfundar reyna að gera hann of alvarlegan eins og í Deadpool Kills the Marvel Universe. Posehn og Duggan tókst hins vegar að gera mjög góð og alvarlega sögu um The Merc with the Mouth á síðasta ári en hún bar nafnið „the Good, the Bad and the Ugly“ og hún var gjörsamlega frábær. Í þessari sögu er tekist á við dýpri málefni en taco‘s og fyndin morð eins og eru gjarnan í Deadpool blöðum (alls ekkert að því!). Deadpool hefur verið tekinn höndum af Norður-Kóreubúum og þarf með hjálp Captain America og Wolverine að komast undan. Sagan verður grimmari og grimmari er líður á og klárt er að þessi saga eigi eftir að hafa djúpstæð áhrif á tilfinningalíf Deadpool. Þó hefur hann einnig haft fjörug blöð á árinu eins og þau þar sem hann berst við upvakninga forseta og 70‘s blaðið. Allt í allt eru Posehn og Duggan að gera mjög góða hluti með Deadpool og við vonum að þeir haldi áfram sem fastir pennar í nokkurn tíma til viðbótar.
2. Daredevil
Eins og með Animal Man sem við skrifuðum um í síðasta lista er Daredevil vanmetinn karakter sem er farið svo ótrúlega vel með. Mark Waid er sannkallaður meistari þegar kemur að persónusköpun og hann hleypur manni ekkert af tilfinninga rússíbananum Daredevil. Serían fjallar um Matt Murdock og baráttu hans við bæði íllmenni og tilfinningar sínar. Hann er í rauninni mjög brotinn maður sem felur sig á bakvið grímu. Waid nýtir þetta í sögur sínar og þessvegna verður maður alveg fastur við blaðið og bíður spenntur eftir næsta. IGN.com hefur gefið Daredevil ótrúlega góðar einkunnir og má sjá einstaka 10 sem serían hefur fengið. Nú á komandi vikum mun Daredevil titill bæta við sig NOW merkingunni og því mun serían byrja aftur á blaði númer 1. Spurning er hvort að fólk nýti ekki tækifærið og byrji á Daredevil!
1. Thor: God of Thunder
Jason Aaron og Esad Ribic hafa gefið mér nýja ímynd af ofurhetjunni Thor með nýju seríunni sinni. Sumir sjá Thor mögulega fyrir sér sem nokkuð klisjukennda ofurhetju, en þeir skrifa ekki Thor sem ofurhetju, þeir skrifa hann sem guð/goð/ás. Sagan gerist á þrem tímabilum í lífi Thors. Ein gerist snemma á fimmtu öld þar sem fylgst er með Thor sem ungum og óreyndum guð. Hann eyðir mestum tíma sínum í Miðgarði þar sem hann fer í bardaga með mönnum, sefur hjá hellingi af kvenfólki og þambar mjöð. Önnur sagan gerist í nútímanum þar sem Thor er orðin fræg ofurhetja sem er einnig í fullu starf sem guð. Þriðja sagan gerist langt í framtíðinni þar sem við sjáum Thor sem niðurbrotinn guð sem rokkar sítt alskegg. Þessi sería er svo góð að flest allir starfsmenn hjá Marvel bíða spenntir eftir hverju blaði til að sjá hvað gerist næst í lífi Thors.
>> Topp 5: DC myndasögur ársins 2013
>> Topp 5: Indí myndasögur ársins 2013
Höfundar eru Skúli Þór Árnason,
og Þrándur Jóhannsson
Þú hefur kannski áhuga á þessu...
10 vel heppnaðir hinsegin tölvuleikir →
Sjö ómissandi Switch leikir →
Þrír vinsælustu þættir Leikjavarpsins árið 2021 →
