The Story of Film – Þættir sem enginn kvikmyndanörd má missa af
Það má enginn kvikmyndanörd missa af þáttaröðinni The Story of Film: An Odyssey en fyrsti þáttur verður frumsýndur í kvöld á RÚV. Þættirnir eru eftir írska kvikmyndagerðarmanninn Mark Cousins en þess má geta að síðasta mynd hans, A Story of Children and Film, var sýnd á RIFF.
Þættirnir eru 15 talsins og samanlagt eru þeir í kringum 900 mínútur. Í þáttunum er farið yfir sögu kvikmyndalistarinnar allt frá upphafi til dagsins í dag. Margt kemur á óvart í yfirferð Cousins og má segja að þættirnir varpi meðal annars ljósi á stórmerkilega þætti úr kvikmyndasögunni sem lítið hefur farið fyrir.
Þátturinn í kvöld byrjar kl. 22:40 og á eftir hverjum þætti mun RÚV sýna eina kvikmynd sem tengist viðfangsefni hvers þáttar. Óskarsverðlaunamyndin L´Artiste varð fyrir valinu í kvöld og hefst hún strax á eftir þættinum.
Höfundur er Ragnar Trausti Ragnarsson,
fastur penni á Nörd Norðursins.
Þú hefur kannski áhuga á þessu...
Nörd Norðursins heimsækir Lestarklefann →
Söguleg stund! RÚV með beina útsendingu frá rafíþróttamóti →
Íslandsmótið í FIFA sýnt í beinni á RÚV – Skráningu lýkur í dag! →
