Ubisoft er búið að gefa út seinni niðurhals pakkann fyrir Star Wars: Outlaws á PC, PS5, og Xbox.
A Pirate’s Fortune er nýtt ævintýri með sjóræningjum og fjársjóði þar sem hetja leiksins Kay Vess og Nixx, þurfa að vinna saman með Hondo Ohnaka gegn Stinger Tash og gengi hennar Rokana Raiders, til að komast inn í Khepi musterið og leysa leyndardóma þess og auðvitað finna fjársjóðinn sem er falinn þar.
Hondo ætti að vera Star Wars aðdáendum vel kunnugur ef þeir hafa horft á Star Wars: Clone Wars eða Star Wars: Rebels teiknimyndaþættina. Ef þið hafið ekki horft á þá, þá eruð þið að missa af skemmtilegum þáttum.
Nýtt í viðbótinni eru Miyuki Trade League sem bjóða ný verðlaun fyrir þá sem smygla varningi fyrir þá um vetrarbrautina. Nauðsynlegt er að klára sögu aðal leiksins áður en tekist á við þessa nýju viðbót leiksins.
Star Wars Outlaws: A Pirate’s Fortune er aðgengilegt strax fyrir þá sem keyptu dýrari útgáfur leiksins með Season Pass viðbótinni, annars er hægt að kaupa pakkann á um $14.99 eða Evrur sem er um 2.200 Ísl Krónur.
Sem frírri viðbót við leikinn, þá fá allir eigendur leiksins aðgang af búningum og öðrum útlits tengdumhlutum byggðum á Star Wars: Skeleton Crew þáttunum sem eru á Disney+ streymiþjónustunni.
Nýtt demó er aðgengilegt á PC og helstu leikjavélum sem leyfir fólki að prufa á leikinn og sjá hvort að hann höfði til þeirra. Við hérna á Nörd Norðursins höfum áður gagnrýnt leikinn og má lesa þá gagnrýni hérna.
Heimild: Ubisoft