Gakktu um Ísland á 10. öld í Hellblade II

Tölvuleikurinn Senua’s Saga: Hellblade II kom í verslanir fyrr í vikunni og hefur leikurinn hlotið góða dóma – til dæmis gaf Steinar hér hjá Nörd Norðursins leiknum fjórar stjörnur af fimm mögulegum.

… í framhaldi þess ákveðið að sögusvið leiksins yrði Ísland á 10. öld, stuttu eftir að landnámsmenn settust hér að.

Tameem Antoniades, einn af stofnendum fyrirtækisins Ninja Theory sem bjó til leikinn, sagðist hafa fengið hugmyndina að leiknum í kjölfar heimsóknar sinnar til Íslands og í framhaldinu var ákveðið að sögusvið leiksins yrði Ísland á 10. öld, stuttu eftir að landnámsmenn settust hér að. Til að gera umhverfið sem raunverulegast hélt hópur manna á vegum Ninja Theory og Quixel til Íslands þar sem Sagafilm aðstoðaði teymið við að finna hluti og svæði til að skanna og útfæra yfir á stafrænt form fyrir leikinn.

Hér fyrir neðan er að finna skjáskot sem sýnir hvernig Ísland birtist í leiknum. Ekki er hægt að segja annað en að útkoman hafi lukkast afar vel.

Nú eru liðin um fjögur og hálft ár frá því að leikurinn var fyrst kynntur og um fjögur ár síðan að tilkynnt að hann ætti að gerast á Íslandi. Hér fyrir neðan er að finna skjáskot sem sýnir hvernig Ísland birtist í leiknum. Ekki er hægt að segja annað en að útkoman hafi lukkast afar vel.

Grafíkin í Hellblade II er virkilega flott og sýnir fjölmörg smáatriði sem gera upplifunina einstaka – gæðin fara þó eftir því hve öflug tölvan er sem leikurinn er spilaður á. Skjáskotin hér fyrir neðan voru tekin á tölvu sem notar GeForce GTX 1070 Ti skjákort (heldur gamalt skjákort) þar sem myndgæðastillingin var stillt á lægsta stigið.