Verðlaunaafhending norrænu tölvuleikjaverðlaunanna Nordic Game Awards 2022 fór fram fimmtudaginn síðastliðinn á Nordic Game ráðstefnunni í Malmö, Svíþjóð. Returnal, It Takes Two, Valheim og NUTS voru meðal þeirra leikja sem voru verðlaunaðir.
NUTS hlaut verðlaun í flokkinum besti leikurinn á litlum skjá (Nordic Game of the Year: Small Screen).
NUTS flokkast sem íslenskur tölvuleikur en hann er framleiddur af fimm manna teymi og þar af eru tveir í teyminu frá Íslandi, þeir Jonatan Van Hove (Joon) og Torfi Ásgeirsson. NUTS hlaut verðlaun í flokknum besti leikurinn á litlum skjá (Nordic Game of the Year: Small Screen). Fyrirkomulagið á afhendingunni var að setja stigatöflu upp á stóran skjá og hringt í dómnefnd til að gefa leikjum stig í beinni útsendingu, ekki ólíkt og við þekkjum í Eurovision. Að lokinni stigagjöf enduðu leikirnir TOEM og NUTS með jafn mörg stig en í seinni atkvæðagreiðslu hafði NUTS betur og stóð uppi sem sigurvegari. Leikurinn hlaut einnig tilnefningar í flokkunum besta skemmtunin fyrir alla (Best Fun for Everyone) og besta frumraun (Best Debut).
Stærsti sigurvegari hátíðarinnar var Returnal frá finnska leikjafyrirtækinu Housemarque en leikurinn var valinn besti norræni leikur ársins (Nordic Game of the Year) og hlaut auk þess verðlaun fyrir hönnun, tækni og hljóð. Hér fyrir neðan er að finna lista yfir alla verðlaunahafa og tilnefningar á Nordic Game Awards 2022.
Norræni leikur ársins:
- Returnal frá Housemarque (FI) 🏆
- Hitman 3 frá IO Interactive (DK)
- It Takes Two frá Hazelight (SE)
- Sunlight frá Krillbite (NO)
- Valheim frá Iron Gate Studio (SE)
Norræni leikur ársins á litlum skjá:
- NUTS frá Joon, Pol, Muuutsch, Char & Torfi (IS) 🏆
- Clash Mini frá Supercell (FI)
- Crash Bandicoot: On The Run frá King (SE)
- Rivengard frá Snowprint Studios (SE)
- TOEM frá Something We Made, (SE)
Besta frumraunin:
- Valheim frá Iron Gate Studio (SE) 🏆
- Biomutant frá Experiment 101 (SE)
- NUTS frá Joon, Pol, Muuutsch, Char & Torfi (IS)
- The Ascent frá Neon Giant (SE)
- TOEM frá Something We Made (SE)
Besta skemmtunin fyrir alla:
- It Takes Two frá Hazelight (SE) 🏆
- Bonkies frá Studio Gauntlet (NO)
- Nickelodeon All-Star Brawl frá Ludosity, Fair Play Labs (SE)
- NUTS frá Joon, Pol, Muuutsch, Char & Torfi (IS)
- Rob Riches frá Megapop (NO)
Besta hljóðið:
- Returnal frá Housemarque (FI) 🏆
- Hitman 3 frá IO Interactive (DK)
- Klang 2 frá Tinimations (NO)
- Lost in Random frá Zoink Games, Thunderful Group (SE)
- Valheim frá Iron Gate Studio (SE)
Besta tæknin:
- Returnal fráHousemarque (FI) 🏆
- Biomutant frá Experiment 101 (SE)
- Hitman 3 frá IO Interactive (DK)
- It Takes Two frá Hazelight (SE)
- SpotRacers frá Level Up Garage (DK)
Besta leikjahönnunin:
- Returnal frá Housemarque (FI) 🏆
- Hitman 3 frá IO Interactive (DK)
- It Takes Two frá Hazelight (SE)
- Klang 2 frá Tinimations (NO)
- Valheim frá Iron Gate Studio (SE)
Besta listræna nálgunin:
- Lost in Random frá Zoink Games, Thunderful Group (SE) 🏆
- It Takes Two frá Hazelight (SE)
- Returnal frá Housemarque (FI)
- Sunlight frá Krillbite (NO)
- The Ascent frá Neon Giant (SE)
Í dómnefnd sátu þau Carl Juul Nielsen fyrir hönd Danmerkur, Tuukka Grönholm f.h. Finnlands, Linzi Campbell f.h. Íslands, Lars Richard Olsen f.h. Noregs og Anna Jenelius f.h. Svíþjóðar.
Heimild og forsíðumynd: Nordic Game Awards 2022