Leikjarýni: Danger Zone 2 – „bara eitt skipti enn!”

Samantekt: Heimurinn er opnari, borðin lengri og bílaúrvalið fjölbreytt. Aftur á móti inniheldur leikurinn ýmis tæknileg vandamál.

3

Ágætur

Breska fyrirtækið Three Fields Entertainment var stofnað eftir að margir fyrrum starfsmenn Criterion Games yfirgáfu fyrirtækið og stofnuðu ný leikjastúdíó.

Fyrir tveimur árum gaf fyrirtækið út sinn fyrsta leiki, Dangerous Golf, sem var blanda af Crash Mode úr gömlu Burnout leikjunum og PGA golfleik. Ári síðar kom út Danger Zone sem var nær Crash Mode og gerðist allur á lokaðri prufubraut. Nú er fyrirtækið mætt með Danger Zone 2 sem er opnari leikur en áður sem minnir mikið á það sem gerði Crash Mode svo skemmtilegt.

Leikurinn keyrir á nýju Unreal 4 grafíkvélinni og keyrir í allt að 4k upplausn á Xbox One X á 30 fps og með möguleikanum að spila í 1080p upplausn og 60 römmum á sek. Á PlayStation 4 Pro er 4K upplausn náð með „Checker-board” blöndu sem fer nálægt 4K í gæðum og uppfærðri útgáfu í 1080p. Á PC er fólk auðvitað bara takmarkað að hve kraftmiklum vélbúnaði það er með.

Í DZ 2 er heimurinn loksins opnaður og er það mikið frelsi frá lokuðum heimi fyrri DZ leiknum.

Í DZ 2 er heimurinn loksins opnaður og er það mikið frelsi frá lokuðum heimi fyrri DZ leiknum. Nú keyra leikmenn um á hraðbrautum í Bandaríkjunum, Bretlandi og Spáni og er hægt að valda enn meiri usla en áður á 23 brautum, þremur bónusborðum sem opnast upp þegar þú ert búin með aðalborðin. Einnig eru sex þjálfunarborð sem kenna fólki á grunn leiksins.

Á einfaldan hátt er hægt að lýsa spilun leiksins á þann hátt að takmarkið se´að valda sem mestum usla og skemmdum með því að keyra inn í bílaumferð, hitta á viss stigamerki og uppfylla bónus skilyrði sem allt hjálpar til við að setja sem hæðst skor á hverri braut. Hægt er að vinna sér inn brons, silfur, gull og platinum verðlaun og er auðvelt að sjá á stigatöflunni hvernig þér gengur og bera þig saman við annað fólk á netinu og auðvitað vinina.

Það er mjög auðvelt að detta í „bara eitt skipti enn!” þegar maður er að spila leikinn og það er eitthvað við það að reyna að slá metið á borðinu og slefa í platinum verðlaunin. Þetta er eitthvað sem gerði Crash Mode svo ávanabindandi og það er jákvætt að leikurinn heldur í þetta.

Borðin eru lengri en áður og hafa vissan aðdraganda áður en hasarnum er náð með sem flestum sprengingum og beygluðum bílum. Þú byggir upp hraða og reynir að uppfylla viss takmörk sem hvert borð hefur til að vinna þér inn fleiri stig. Eitt af því sem ég hafði mjög gaman af úr gamla Burnout Revenge er „traffick checking” eða keyra aftan á aðra bíla til að fleygja þeim á aðra bíla og oft yfir á aðrar akgreinar til að valda enn meiri usla. Bílar kastast til, velta og beyglast í neistum og sprengingum. Þú keyrir um á fólksbílum, leigubílum, formúlu 1 bíl og risa trukki og hjálpar þetta úrval bíla aðeins til uppá fjölbreyttnina í leiknum.

Vandinn við leikinn, og maður þarf að horfa smá til er, að hann er búinn til af sjö manna fyrirtæki og er frekar hrár á köflum. Valmyndin er mjög einföld og er engin tónlist sem slík í leiknum. Leikurinn á við ýmis tæknileg vandamál að stríða, sem koma fram í spilun hans og síðan að rammahraðinn (fps) á það til að detta talsvert niður. Þetta er eitthvað sem mátti finna að hluta til í Dangerous Golf og Danger Zone og var lagað að mestu, svo maður hefur trú á að þetta verði einnig lagfært með tímanum.

Leikurinn á við ýmis tæknileg vandamál að stríða, […] Gæðastjórnun er vonandi eitthvað sem fyrirtækið mun horfa til þegar þeir koma með Dangerous Driving, […]

Vandinn er þó að það hefði auðvitað verið betra ef leikurinn hefði ekki verið með þessi vandamál við útgáfu. Gæðastjórnun er vonandi eitthvað sem fyrirtækið mun horfa til þegar þeir koma með Dangerous Driving, sem á að vera næsti leikur þeirra og kemur líklega út síðar á árinu. DZ 2 leggur skrefin að forvitnilegri framtíð og eitthvað sem verður áhugavertað fylgjast með, það eru ekki margir svona leikir á markaðnum í dag.

Leikurinn kostar $19.99/€17.99/£14.99 eða um 2.200 krónur íslenskar sem er fínt fyrir svona leik, annars er gáfulegt að bíða eftir næstu útsölu í viðeigandi búð og skoða leikinn nánar þá.

Burnout serían er búin að vera í dvala í nokkur ár en þó fengum við uppfærða útgáfu af Burnout Paradise fyrr á árinu, hvort að það þýði að EA og Criterion Games ætli að endurlífga seríuna er erfitt að segja. Á meðan þessi mál skýrast bíðum við eftir að sjá hvernig Dangerous Driving kemur út.

Ég er síðan enn að bíða eftir að fá Kenny Loggins í Danger Zone!

Deila efni

Tögg: bílaleikur, bílar, Danger Zone, Danger Zone 2