Leikurinn Sumer eftir Sigurstein J Gunnarsson og Studio Wumpus kom á leikajveitunni Steam í dag, þann 15. febrúar.
Leikurinn er hannaður eins og borðspil á borð við Catan eða Ticket to Ride en er tölvuleikur þar sem hraði og lagni helst í hendur við herkænsku og hugsun. Sumer er fyrir einn til fjóra leikmenn og er frábær skemmtun fyrir fjölskyldur að spila saman. Safnið byggi og geitum, fórnið þeim til guðanna og gyðjan Inanna mun krýna klókasta prestinn sem leiðtoga hins forna Sumer.
Sumer hefur verið í vinnslu í bæði New York og á Íslandi síðustu tvö árin. Leikurinn fór í gegnum Kickstarter fjármögnunarferli og 637 manns lögðu samtals 26.282 dollara til liðs við Sumer. Verkefnið er hinsvegar ekki búið enn þar sem leikurinn er að koma út sem svokallaður „Early Access“ leikur. Það þýðir að vinnsla á leiknum heldur áfram jafnframt því sem fólk getur keypt og spilað hann. Leikurinn er þó að lang mestu leiti tilbúinn og helsta vinnan felst í því að bæta netspilun við leikinn.
Leikinn er hægt að nálgast hér í gegnum Steam og verður á 10% afslætti fram til 19. mars.