Laugardaginn 3. maí næstkomandi er hinn árlegi Ókeypis myndasögudagur, eða Free Comic Book Day. Að venju heldur Nexus upp á daginn líkt og þúsundir myndasöguverslana um allan heim, en markmiðið með deginum er að kynna myndasöguformið meðal annars með því að gefa sérútgefin – og ókeypis – myndasögublöð.
Nexus byrjar að gefa blöð á slaginu 12:00 á laugardaginn og mun gefa blöð á meðan birgðir endast. Þar verður meðal annars hægt að næla sér í eintak af íslenska blaðinu ÓkeiPiss sem að Nexus og Ókei-bækur gefa út í fjórða sinn í ár. Á Facebook viðburðinum er fólki bent á að mæta tímanlega til að forðast langar biðraðir. Sömuleiðis er búningaáhugafólk hvatt til þess að mæta í búningum!
Skoða viðburðinn á Facebook
Höfundur er Bjarki Þór Jónsson,
leikjanörd og ritstjóri Nörd Norðursins.