5. Nowhere Men

Eina ástæðan  fyrir því að þessi titill er svo neðarlega á listanum er ruglingslegur útgáfu tími en þrátt fyrir það þá er þessi sería gull í okkar augum. Sagan gerist í heimi þar sem fjölmiðlar koma fram við vísindamenn sem rokkstjörnur. Sagan fylgir tveimum hópum fólks, annar er hópur vísindamanna sem eru keimlíkir Bítlunum og hinn er hópur fólks sem er fast í geimnum og kljáist við furðulega veirusýkingu. Þessi titill lauk fyrstu sögu sinni á liðnu ári og hún er fáanleg í Nowhere Men : Fates Worse Than Death frá Image Comics.

4. East of West

East of West er sci-fi saga sem gerist í villta verstrinu með smá fantasíu ívafi. Jonathan Hickman á hrós skilið fyrir að búa til spennandi og dularfullan heim með áhugaverðum og skrautlegum persónum. Það fer ekki fram hjá neinum að Hickman er í essinu sínu þegar það kemur að þessum titli. Sagan fjallar um dómsdagsriddarann Death og vinnu hans við að.. drepa. Mögulega er hann að gera betri hluti í þessari seríu en í Avengers seríum sínum.

3. Trillium

Trillium er ástarsaga sem nýtir sér sci-fi til að segja sýrutrippssögu af epískri stærðargráðu. Meistari Jeff Lemire skrifar bæði og teiknar Trillium en stíll hans byggist á mjög „ljótum“ teikningum og passar það ótrúlega vel í þessa súrealísku sögu. Sagan gerist á tveimum tímum annar er árið 1921 og hinn er árið 3797. Hvert einasta blað er ólíkt t.d. er einu blaði skipt þannig að sögurnar tvær eru sagðar á sömu síðu en aðra lestu venjulega en hina á hvolfi. Af einhverri ástæðu er manni alveg sama þó að maður skilji ekki neitt í neinu, þrátt fyrir það nær sagan að heilla mann.

2. Wake

Wake er 10 blaða smá sería skrifuð af Scott Snyder og teiknuð af Sean Murphy. Sagan gerist á botni sjávar þar sem hópur fólks hefur fangað dularfulla fisk-mannveru. Hasarinn byrjar þegar fólkið fattar að það vill ekki vera fast í litlu neðarsjávar-rými með klikkaðri skepnu sem þráir að drepa þau. Margir bera þessa sögu saman við Alien myndirnar því Scott Snyder dregur fram sömu hryllings afbrigði og Aliens myndirnar notuðu. Það er ekki einungis sagan, hryllingurinn og teikningarnar sem gera þessa seríu svona góða heldur hversu mikið Scott Snyder hefur lagt í lesa sig um hafmeyjur, sírenur, marbendla og fleiri skepnur. Það verður til þess að handrit sögunnar er gríðarlega áhugavert.

1. Saga

Vá. Er ekki nóg að segja það? Þessi saga (haha pun) er fáránleg! Brian K. Vaughan er meistari í persónusköpun, óútreiknanlegum söguþráðum og spennuþrungnum endum. Saga er talin vera ein besta sería frá upphafi og hún verðskuldar það algjörlega. Í kjarnann er Saga sci-fi, fantasíu ástarsaga sem verður til þess að Saga heimurinn er mjög fjölbreyttur. Maður heldur með öllum karakterunum í sögunni, hvort sem þeir eru góðir eða vondir þá þykir manni vænt um þá. Ef að fólk vill byrja að lesa myndasögur mælum við strax með því að það lesi Saga því það er eitthvað svo yndislega heillandi við þessa seríu, það er bara ekki hægt að koma því í orð hversu frábær hún er.

>> Topp 5: Marvel myndasögur ársins 2013

>> Topp 5: DC myndasögur ársins 2013

Höfundar eru Skúli Þór Árnason,
og Þrándur Jóhannsson