Síðasta ár var mjög gott kvikmyndaár. Kannski það besta í langan tíma. Kvikmyndir komu út sem brutu blað í kvikmyndasögunni. Í því samhengi má nefna Gravity og heimildarmyndina The Act of Killing, sem sýnir að heimildarmyndir eru að sækja í sig veðrið, en þetta síðasta ár var mjög gott fyrir það listform.

Ég ætla að birta hér topp 10 lista yfir kvikmyndir sem munu vekja athygli á árinu og flestar eru þær í Sci-fi, stórsmells og ofurhetju flokknum. Það er líka af nógu að taka og því betra að afmarka sig við þessa flokka. Enda margar hverjar nördalegar myndir fyrir Nörd Norðursins. Svo ætla ég líka að nefna nokkrar íslenskar kvikmyndir sem koma út á árinu og byrjum á þeim.