Íslenska leikjafyrirtækið Lumenox Games birti fyrir stundu nýtt sýnishorn úr Aaru’s Awakening. Um er að ræða nýja stiklu úr leiknum og leikling (demo) sem hægt er að sækja hér á heimasíðu fyrirtækisins. Nörd Norðursins hefur fylgst með þróun leiksins og birti nýlega viðtal við Jóhann Inga Guðjónsson, markaðsstjóra fyrirtækisins, þar sem við spurðum hann út í leikinn og fyrirtækið.
Aaru’s Awakening er búinn að vera á Steam Greenlight í u.þ.b. eitt ár og er þar að safna atkvæðum í þeirri von um að ná athygli Valve og koma leiknum yfir á á Steam leikjamarkaðinn. Við hvetjum lesendur til að styðja við íslenska tölvuleikjagerð með því að heimsækja Steam Greenlight síðu leiksins, gefa leiknum atkvæði og um leið senda Lumenox skilaboð í athugasemdakerfinu neðst á síðunni.
Aaru’s Awakening: Domain of Dusk stikla
Höfundur er Bjarki Þór Jónsson,
ritstjóri Nörd Norðursins.