10 uppáhalds nörda YouTube rásirnar
Topplisti yfir 10 uppáhalds nörda YouTube rásirnar mínar í dag.
1. Rooster Teeth
Þetta eru snillingarnir sem bjuggu til Red vs. Blue þættina. RWBY eru nýjir þættir frá þeim sem eru þess virði að gefa tækifæri, virkilega flottir þættir á ferðinni. Einnig eru þeir með helling af myndböndum sem tengjast tölvuleikjum, ein skemmtilegasta rásin sem snýr að tölvuleikjum.
> www.youtube.com/user/RoosterTeeth
2. Two Best Friends Play
Ef það er eitthvað sem er skemmtilegra en að spila góða tölvuleiki, þá er það að horfa á þessa félaga spila lélega tölvuleiki. Matt og Pat fara oft á kostum þegar þeir eru að spila tölvuleiki og mæli þá sérstaklega með því þegar þeir félagar spila Bear Grylls leikinn, yndislega fyndið.
> www.youtube.com/show/twobestfriendsplay
3. TheJWittz
Hér er eitt af mínum svörtustu leyndarmálum, hef alveg ótrúlega gaman að hlusta á fróðleik um Pokémon. TheJWitts er virkilega skemmtilegur og viðkunnanlegur náungi sem hefur mikla ástríðu á litlu vasaskrímslunum.
> www.youtube.com/user/TheJWittz
4. Comic Book Cast
Klárlega rásin sem allir myndasögunördar þurfa að gerast áskrifendur að. Góðar myndasögurýnir, skemmtileg hlaðvörp og eru þeir einnig oft mjög fljótir með slúður sem tengist myndasögum, þáttum og kvikmyndum sem gerast í þeim heimi.
> www.youtube.com/user/ComicBookCast2
5. AngryJoeShow
Þessi snillingur gagnrýnir leiki á mjög skemmtilegan hátt. Leggur mikla vinnu í hvern þátt og hefur mikinn metnað fyrir því sem hann gerir. Að mörgu leiti er þetta eini gaurinn sem virkilega er hægt að taka mark á þegar kemur að tölvuleikja gagnrýni.
> www.youtube.com/user/AngryJoeShow
6. Did You Know Gaming?
Skemmtileg rás sem segir frá áhugaverðum staðreyndum um tölvuleiki.
> www.youtube.com/user/DYKGaming
7. The Comic Book Girl 19 Show!
Fjallar um myndasögur og allt sem þeim tengist. Virkilega gaman að hlusta á hennar pælingar og skoðanir.
> www.youtube.com/user/comicbookgirl19
8. Smosh Games
Skemmtileg leikjarás sem tekur sig ekki of alvarlega. Góð samblanda af skemmtun og gagnrýni á leikjum.
> www.youtube.com/user/SmoshGames
9. PewDiePie
Annað hvort dýrkar fólk Felix eða hatar hann. Hvort sem það er þá er hann með lang stærstu og vinsælustu leikjarásina á Youtube í dag.
> www.youtube.com/user/PewDiePie
10. The Game Theorists
Skemmtileg myndbönd um tölvuleiki þar sem fræðsla, kenningar og pælingar stjórna ferðinni.
> www.youtube.com/user/MatthewPatrick13
En hverjar eru þínar uppáhalds nörda Youtube rásir?
Höfundur er Helgi Freyr Hafþórsson,
fastur penni á Nörd Norðursins og nemi í fjölmiðlafræði.
Þú hefur kannski áhuga á þessu...
Upptaka af Hellblade II með íslenskum texta komin á YouTube →
10 vel heppnaðir hinsegin tölvuleikir →
Sjö ómissandi Switch leikir →
