Leikjasamfélagið bókstaflega titrar af spenningi um þessar mundir og telur niður klukkutímana þar til sala á nýjasta Grand Theft Auto leiknum, GTA V, hefst. Gamestöðin og Elko verða með sérstaka GTA V kvöldopnun í kvöld, 16. september, þar sem sala á leiknum hefst kl. 22:00.
Gamespot birti þetta skemmtilega myndband á YouTube í dag þar sem Danny fer yfir sögu GTA leikjaseríunnar, en fyrsti GTA leikurinn leit dagsins ljós árið 1997 og hefur mikið breyst á þessum 16 árum.
Það væri gaman að vita hvort einhverjir lesendur Nörd Norðursins hafi spilað alla GTA leikina, og hvaða leikur í seríunni ykkur þykir bestur?
Sjáumst í Los Santos!