Síðar í þessum mánuði mun ný leikjatölva frá tölvuleikja- og leikjatölvurisanum Nintendo koma á markaðinn. Nýja tölvan ber heitið Wii U og var upphaflega kynnt af Nintendo á E3 sýningunni í fyrra. Wii U kemur út í Norður-Ameríku 18. nóvember, þar á eftir í Evrópu og Ástralíu þann 30. nóvember og loks 8. desember í Japan.
Í gær sendi Nintendo frá sér þetta skemmtilega og mjög svo yfirvegaða myndband þar sem Satoru Iwata, forstjóri Nintendo, opnar Wii U Premium pakkann, en pakkinn inniheldur Wii U leikjavél, Wii U leikjafjarstýringu auk snúra og annarra aukahluta.
– BÞJ