Tölvuleikjasýningin Eurogamer Expo 2012 stóð yfir dagana 27.-30. september síðastliðinn. Við skelltum okkur á sýninguna í fyrra, en í ár voru leikir á borð við Carmageddon, DUST 514, Castlevania: Lords of Shadow – Mirror of Fate, Crysis 3, Halo 4, Tomb Raider, XCOM: Enemy Unknown og ZombiU kynntir.
Líkt og á DragonCon klæddi fjöldi fólks sig upp í ýmiskonar búninga og þar sem Eurogamer fókusar á tölvuleiki var að finna áberandi margar tölvuleikjapersónur á göngunum. Sneaky Zebra á YouTube tók nokkrar skemmtilegar myndir af búningagleðinni (cosplay) í myndbandinu hér fyrir neðan.
– BÞJ