Ævintýri á Einkamál er ný íslensk vefsería sem hóf göngu sína í dag. Þættirnir eru þrír talsins og svipa aðeins til míní-þáttanna Ástir og örlög nördanna úr Fóstbræðrum.
Á YouTube er vefseríunni lýst svona:
Ævintýri á Einkamál er þriggja þátta vefsería. Næstu tveir hlutar koma út með viku millibili.
Þættirnir fjalla um hinn hryggbrotna öfganörda Jóhann, sem leitar á náðir Einkamál til að leysa kvennamál sín. Súrir vinir, erfiðar aðstæður og hröð atburðarrás ráða ríkjum í þessari trufluðu seríu sem á engan sinn líka í íslenskri þáttagerð.
Fylgist vel með á næstu vikum, þegar meira efni frá Fenrir Films ratar á netið, alltaf á föstudögum.