EVE Fanfest 2012 í Hörpu

EVE Fanfest er árleg hátíð tileinkuð fjölspilunarleiknum EVE Online frá íslenska tölvuleikjafyrirtækinu CCP. Við hjá Nörd Norðursins heimsóttum hátíðina í fyrra í Laugardalshöll og ekki annað hægt að segja en að stemningin hafi verið frábær og mikill metnaður lagður í verkefnið.
Skákboxið var epískt!

Hátíðin er fyrst fremst ætluð þeim sem spila EVE Online þar sem starfsmenn CCP fara yfir nýlegar og væntanlegar breytingar og uppfærslur á leiknum. En auk þess er boðið gestum upp á (djamm)ferðir, svaðalega (bjór)drykkju og sveitt partý. EVE Fanfest 2012 verður haldin í tónlistar- og ráðstefnuhúsinu Hörpu dagana 22. – 24. mars.

Hér eru tvö myndbönd til að hita ykkur upp fyrir hátíðina!