Verðkönnun á tölvuleikjum – ágúst 2011
Við gerðum stutta og einfalda verðkönnun á netinu á tölvuleikjaverði í dag. Við völdum nokkra nýja og eldri leiki fyrir helstu leikatölvurnar í dag (auk PC) af handahófi og gerðum verðsamanburð út frá þeim upplýsingum sem voru birtar á heimasíðu BT, Elko, Gamestöðvarinnar og Skífunnar þann 28. ágúst 2011. Verðin miðast við ný eintök af tölvuleikjunum en ekki notuð.
Bræðurnir Ormsson og Max voru ekki með könnuninni þar sem þeir birta ekki verð á tölvuleikjum á heimasíðum sínum.
BT
Þeir voru með þokkalega vel uppfærða heimasíðu og voru með 11 af þeim 16 titlum (69%) sem við skoðuðum. Af þeim leikjum sem BT voru með á heimasíðunni sinni voru þeir 5 sinnum með hæsta verðið og 3 sinnum með ódýrasta verðið. BT eru næst ódýrastir þar sem meðal leikurinn kostar 8.863 kr. hjá þeim og einnig eru þeir með næst besta úrvalið af tölvuleikjum á netinu.
Elko
Elko var án efa með best uppfærðu heimasíðuna af þessum fjórum og fundum við 14 af þeim 16 leikjatitlum (88%) sem við skoðuðum. Af þeim 14 leikjum var Elko 4 sinnu dýrastir og 8 sinnum ódýrastir. Elko komu best úr könnuninni og voru oftast með ódýrasta verðið. Meðal leikurinn kostar 7.697 kr. í Elko og þeir eru auk þess með mesta leikjaúrvalið á heimasíðu sinni.
Gamestöðin
Gamestöðin olli ákveðnum vonbrigðum með leikjaúrvalið, en við fundum aðeins 7 af þessum 16 titlum (44%) á heimasíðunni þeirra. Af 7 leikjatitlum var Gamestöðin 4 sinnum með hæsta verðið og 3 sinnum með það lægsta. Meðal leikurinn var dýrastur hjá Gamestöðinni, eða á 10.133 kr. og vantaði mikið upp á vöruúrvalið á heimasíðunni. Gamestöðin kom verst úr könnuninni.
Skífan
Skífan var með 7 af þeim 16 leikjatitlum (44%) sem við leituðum eftir á heimasíðunni þeirra. Af þessum 7 leikjum var Skífan 3 sinnum dýrust og 2 sinnum ódýrust. Meðal leikurinn kostar 9.570 kr. hjá þeim en vöruúrvalið á heimasíðunni þeirra ekkert til hrópa húrra fyrir.
Verðkönnunin
| BT | Elko | Gamestöðin | Skífan | |
| Batman Lego (PSP) | 5.999 | 4.329 | – | – |
| Call of Duty: Black Ops (X360) | 11.999 | 12.995 | – | 10.999 |
| Crysis 2 (PS3) | 10.999 | 11.995 | – | 11.999 |
| Dead Space 2 (X360) | 6.999 | 6.495 | 10.990 | – |
| Deus Ex Human Revolution (PS3) | – | 9.995 | 9.990 | – |
| DJ Hero – Bundle (PS2) | 9.999 | 4.995 | – | – |
| Drawn to Life: The Next Chapter (Wii) | – | 2.495 | 9.990 | – |
| Duke Nukem Forever (X360) | 10.999 | 10.995 | 10.990 | 10.999 |
| Fifa 11 (PS2) | – | 4.995 | 7.990 | 6.999 |
| Mario Kart DS (DS) | – | – | – | 6.999 |
| Mass Effect 2 (PS3) | 9.999 | 9.995 | 10.990 | 9.999 |
| Portal 2 (PC) | 6.999 | 6.495 | – | – |
| Sims 3 (PC) | 8.999 | 5.995 | – | 8.999 |
| Super Mario All-Stars 25 ára (Wii) | – | – | 9.990 | – |
| The Legend of Zelda: OoT (3DS) | 9.999 | 10.995 | – | – |
| WWE Smackdown VS Raw 2011 (PSP) | 4.499 | 4.995 | – | – |
– BÞJ
Þú hefur kannski áhuga á þessu...
Íslenskur verðmiði kominn á PlayStation 5 Pro →
Mikill verðmunur milli tölvuleikjasetra →
Mikill verðmunur á Quest 2 →
One Response to Verðkönnun á tölvuleikjum – ágúst 2011