Útgefandinn Take-Two hefur tilkynnt að leikurinn Grand Theft Auto VI hefur verið seinkað á ný, og nú á hann að koma út þann 19. nóvember 2026. Þessar fréttir komu sem hluti af fjármálauppgjöri fyrirtækisins til fjárfesta.
„Okkur þykir það leitt að bæta við auknum tíma, við þann tíma sem fólk hefur beðið eftir leiknum. Þessir auka mánuðir munu gera okkur kleyft að klára leikinn með auknum gæðum sem þið gerið ráð fyrir og eigið skilið,“ sagði Rockstar Games í tilkynningu á vefsíðu sinni.
Hlutabréf Take-Two tóku strax dýfu niður þegar fréttirnar komu út, GTA V kom fyrst út 2013 á PlayStation 3 og Xbox 360, síðar kom leikurinn út á PC, og hefur á síðustu tólf árum fengir útgáfur á PS4, PS5, Xbox One, Xbox Series vélarnar og selst í yfir 215 milljón eintökum á heimsvísu og skilað nærri 10 billjón dollurum í kassann í sölutekjum.
Forstjóri Take-Two, Strauss Zelnick, sagði í viðtali IGN um seinkunina:
„Við höfum haft meiri tíma til að þróa leikinn, og við erum nú nær útgáfu. Við erum þakklát fyrir að hann sé enn innan sama fjárhagsárs. Og fyrst og fremst erum við þakklát Rockstar fyrir að sækjast stöðugt eftir fullkomnun.“
Hann bætti við: „Við höfum mjög góða tilfinningu fyrir þessari útgáfu dagsetningu. Hún er innan sama fjárhagsárs, hún fellur á frábæran útgáfutíma, og að sjálfsögðu styðjum við nálgun Rockstar heilshugar.“
GTA 6 mun koma út með gríðarlega stórar eftirvæntingar á bakinu. Það verða þrettán ár síðan að GTA 5 kom út og biðin hefur verið löng fyrir fólk á meðan. Það er búist við að leikurinn nái að seljast í yfir 40 milljón eintökum á fyrsta ári sínu í sölu.
Það má búast við að þessi seinkun á GTA 6 muni hafa áhrif á leikja útgáfu næsta árs, leikir voru nú þegar búin að vera að færa sig frá útgáfudegi leiksins til að verða ekki hreinlega undir risanum sem er GTA serían.
Heimild: Gamespot