SI Games hafa staðfest að betan fyrir Football Manager 26 muni hefjast þann 23. Október, semsagt eftir nokkra daga, leikurinn sjálfur mun koma út þann 4. Nóvember á PC/Mac/Linux/PS5/Xbox Series og spjaldtölvur og farsíma.
Þessi snemmbúni aðgangur er eingöngu í boði á PC/Mac/Linux og bara ef þú hefur forpantað leikinn á annað hvort Steam eða Epic Store búðunum.
Þessi forsmekkur af leiknum um tveimur vikum fyrir útgáfu hefur verið hefðbundinn hluti útgáfu ferli leiksins síðustu árin síðan að Football Manager 2013 kom út.
Hvað er í boði í FM 26 snemmbúnum aðgangi?
Leikurinn sjálfur verður aðgengilegur í fullu formi fyrir þá sem hafa forpantað leikinn, hægt verður að spila leikinn ótakmarkað og munu “saves” eða leikirnir sem leikmenn búa til og spila, virka í loka útgáfu leiksins þegar hann kemur út.
Hvenær nákvæmlega á 23. Okt, betan fer í loftið er ekki vitað eins og er, eins og fyrri ár, má gera ráð fyrir að það sé um síðdegi eða kvöld að Breskum tíma.
Football Manager 26 er stærsta breyting seríunnar síðan að hún fór út Championship Manager í Football Manager 2005 fyrir rétt um tuttugu árum síðan og að 3D grafívíkvél kom til sögunnar með útgáfu Football Manager 2009.
Í FM 26 er skipt um undirliggjandi grafíkvél leiksins og mun Unity Engine nú keyra leikinn í stað innanhúss vélarinnar sem Sports Interactive bjuggu til sjálfir. Þessi breyting átti upprunalega að koma út í fyrra í formi Football Manager 25, sem kom ekki út eftir ótal seinkanir og vandræði. Síðasti leikurinn í þessari árlegu seríu kom út í Nóvember 2023.
SI Games og SEGA hafa gefið út 90 mín youtube myndband sem fer yfir þessa nýju útgáfu og sýnir okkur allt það helsta sem er í boði í leiknum.
Nýtt í ár eru hlutir eins og kvenna fótbolti í fyrsta sinn, samningur við Ensku úrvalsdeildina og FIFA, endurbætt taktík kerfi sem býður upp á mismunandi kerfi, eftir hvort að liðið er með boltann eða ekki, viðmót leiksins hefur verið endurhannað frá grunni, leikmenn hafa ný hlutverk á vellinum, breytingar á kaup og sölu kerfi leikmanna og ótal meiri breytingar. Hægt verður að flytja yfir leiki úr FM 23 og FM 24 og halda áfram í nýja leiknum.
Við munum færa ykkur nánari fréttir af leiknum þegar hann kemur út.