Nintendo lögðu ríka áherslu á ARMS og einnig Splatoon 2 síðar í Nintendo Direct þættinum að þessu sinni. Það þýðir þó ekki að þetta verði einu leikirnir fáanlegir fyrir tölvuna þar sem önnur fyrirtæki, bæði stór og smá, koma til með að gefa út leikina sína fyrir þennan magnaða grip. Mario Kart 8 Deluxe er einnig fáanlegur fyrir gripinn síðar í þessum mánuði þann 28. apríl.
Hér fyrir neðan eru þeir leikir sem eru væntanlegir fyrir Nintendo Switch þetta árið:
- Ulta Street Fighter II: The Final Challenger – væntanlegur 26. maí næstkomandi.
- Minecraft: Nintendo Switch Edition – væntanlegur á eShop þann 11. maí. Nintendo pakkinn sem kom út fyrir Wii U á sínum tíma verður einnig fáanlegur á útgáfudegi.
- NeoGeo Masterpieces – safn af leikjum frá Yore, væntanlegur síðar á þessu ári.
- Sonic Forces – væntanlegur um jólin.
- Sonic Mania – væntanlegur í sumar.
- Project Mekuru – ekki ósvipaður og Othello þrautaleikurinn, væntanlegur í sumar með fjölspilun í gegnum netið.
- Fate/Extella – væntanlegur 25. júlí.
- Disgaea 5 Complete – nú þegar til á PS4 og er væntanlegur þann 23. maí í gegnum eShop vefverslunina.
- Puyo Puyo Tetris – skemmtileg blanda af hefðbundnum Tetris leik ásamt hinum vinsæla Puyo Pop þrautaleik. Sýnishorn er nú þegar fáanlegt í gegnum eShop, útgáfudagur enn þá óljós.
- Monopoly – stafræn útgáfa af þessu klassíska borðspili. Leikurinn er væntanlegur í haust og mun nýta “HD Rumble” eiginleika Joy-Con pinnana.
- Rayman Legends Definitive Edition – væntanlegur seinna á þessu ári.
- Sine Mora Ex – væntanlegur í sumar frá THQ Nordic.
- Battle Chasers: Nightwar – væntanlegur sumarið 2017.
- Payday 2 – sama útgáfa og kom út fyrir PS4 og Xbox One, núna væntanlegur fyrir Switch 2017.
- Namco Museum – safn af klassískum Namco leikjum. Væntanlegur í sumar.
Dokkan, sem sér um að varpa Nintendo Switch leikjunum frá tölvunni yfir í sjónvarpið, verður loksins fáanleg ein og sér þann 19. maí í takmörkuðu upplagi. Þetta mun gera spilurum kleift að tengja fleiri en eina dokku við hvert sjónvarp svo það verður auðveldari að varpa leikjunum á milli herbergja.
Nintendo enduðu kynninguna á Splatoon 2 sem hefur fengið staðfestan útgáfudag, 21. júlí 2017. Ásamt leiknum verða að sjálfsögðu gefin út Splatoon 2 amiibo leikföng í takt við persónurnar úr leiknum. Inkling Girl, Inkling Boy og Squid verða gefnir út enn eina ferðina nema með breyttu útliti að þessu sinni.
Splatton 2 Amiibo settið: http://www.gameinformer.com/cfs-filesystemfile.ashx/__key/CommunityServer-Components-SiteFiles/imagefeed-featured-nintendo2017-zelda-amiibo/amiibo_5F00_610c.jpg
Í Splatoon 2 verður einnig í boði splunkunýr leikstíll (game mode), er kallast „Salmon Run“, sem gengur út að sigra óvini sem ráðast gegn þér í bylgjum eða lotum. Allt að fjórir geta spilað leikskipulagið saman sem mun auðvelda spilunina eftir því sem fleiri vinna saman.
Splatoon 2 er sem sagt væntanlegur þann 21. júlí, eingöngu fyrir Nintendo Switch.