Í dag, 24. maí 2016, kemur leikurinn Overwatch út. Þetta er nýjasti leikurinn frá risa leikjaframleiðandanum Blizzard, sem hefur framleitt og gefið út marga af vinsælustu leikjum tölvuleikjasögunnar svo sem Diablo, StarCraft og World of Warcraft.
Overwatch er fyrstu persónu fjölspilunar skotleikur þar sem þú stjórnar einni af fjölmörgum hetjum í bardaga við aðrar hetjur. Það eru 6 spilarar í hverju liði og keppast þau um útrýma hinu liðinu, ná að uppfylla markmið spilaborðsins og að sigra.
Hetjur
Hetjurnar sem hægt er að velja eru ekki af skornum skammti en við útgáfu Overwatch verður hægt að velja úr 21 hetju. Hver hetja hefur sína einstaka hæfileika, styrkleika og veikleika. Því skiptir miklu máli hvaða hetjur eru í hverju liði fyrir sig. Sum borð krefjast að eitt liðið er í árásarham en hitt liðið er að verja. Hvaða hetjur eru í árásarliðinu geta verið allt öðruvísi en þær sem eru notaðar í varnarliðinu.
Allar hetjurnar eru settar niður í fjóra flokka, en þeir eru árás, vörn, tankur og stoð. Það er ekki gott ef allar hetjurnar í sama liði eru úr sama flokknum, heldur er gott að dreifa á milli flokka eftir því hvað er verið að sækjast eftir. Þegar verið er að velja hetju þá gefur leikurinn spilara upplýsingar um hvort að það vanti hetjur úr þessum flokkum og getur spilari þá valið hetju með þær upplýsingar að vopni.
Borð
Borðin í Overwatch eru fjölbreytileg en bardagar geysa frá gömlum musterum yfir í hátækni verksmiðjur. Borðin eru 12 til að byrja með og borðin eru með markmið sem liðin þurfa að framkvæma til að sigra andstæðingana.
Flokkarnir eru Árás, Fylgd, Stjórnun, og Árás & Fylgd. Í Árás þá þarf annað liðið að ná fjölda svæða en hitt liðið þarf að halda árásarliðinu frá svæðunum. Í Fylgd þarf eitt liðið að fylgja tæki í gegnum borðið en varnarliðið þarf að halda fylgdarliðinu frá tækinu. Stjórnun, þá eru bæði liðin að reyna að ná og halda svæði í borðinu. Í Árás & Fylgd þá þarf árásarliðið að ná svæði og síðan fylgja tæki í gegnum borðið.
Spilun
Hver leikur byrjar á því að hver spilari velur þá hetju sem á að spila. Það skiptir máli að fylgjast með því hvaða hetjur samspilarar þínir eru að velja til að geta búið til vígalegt teymi af hetjum sem geta áorkað miklu. Ef það gengur illa í leiknum þá er ekkert mál að skipta um hetju en það er gert ef spilari deyr.
Þegar spilari deyr þá kemur hann aftur til leiks á byrjunarpunkt liðsins síns. Þessi byrjunarpunktur getur færst eftir því hvernig borð er verið að spila og hvernig liðinu gengur að klára markmið borðsins. Í hverju borði eru flöskuhálsar og skiptir miklu máli fyrir liðin að fylgjast vel með þeim og spila saman til að geta sigrað andstæðingana.
Overwatch er frábær leikur fyrir samspil og fær maður tilfinninguna að það sé verið að hjálpa til sigurs þrátt fyrir að maður sé kannski ekki beint að skjóta á óvinina stanslaust.
Við spilun leiksins fær spilari reynslustig sem leyfa honum að hækka um Levels. Það sem er bakvið þessi Levels eru kistur þar sem hægt er að fá hluti tengda útliti, en ekki vopn eða þess háttar. Allar hetjurnar eru aðgengilegar í byrjun þannig að ekki er verið að fela hetjur bakvið háann vegg þar sem þarf að spila óralengi til að komast að spila einhverja hetju.
Sagan
Blizzard eru búnir að vera að gefa út frábær myndbönd sem eru að kynna hetjurnar. Það eru ekki komin út myndbönd fyrir allar hetjurnar en við mælum eindregið með að skoða þau hérna fyrir neðan ef þú hefur áhuga á að læra meira um söguna í leiknum.
Við förum í að vinna í gagnrýni strax og leikurinn kemur út, verið tilbúin!
Stikla fyrir Overwatch
Hetjukynningar