Í dag, 4. maí, er Stjörnustríðsdagurinn og að því tilefni ætla meðlimir í 501st deildar á Íslandi í samstarfi við Blóðbankann að halda blóðsöfnun. Fyrir þá sem ekki vita þá eru 501st alþjóðleg búningasamtök og geta aðeins þeir sem eiga Star Wars búning illmenna úr myndunum frægu gerst meðlimir í samtökunum. Með þessu framtaki vill deildin hvetja allt Star Wars áhugafólk til að mæta og gefa blóð á þessum degi.
Á Facebook-síðu viðburðarins stendur:
Viljum benda fólki á sem ekki hefur komið áður að einungis er tekið blóðsýni við fyrstu komu. Þannig ef viðkomandi vill gefa í poka 4. maí þarf hann að vera búinn að koma áður í sýnatöku og það tekur 2-3 vikur að fá úr sýnunum (geta auðvitað líka komið í sýnatökuna 4.maí)
.
Einnig að það sé best að bóka tíma hvort sem er í sýnatöku eða blóðgjöfina sjálfa, www.blodbankinn.is eða í síma 543-5500. Vegna sjúkdóma og annarra þátta (t.d. lyf, húðflúr og ferðalög) mega sumir ekki gefa blóð tímabundið eða varanlega. Nánari upplýsingar um hvenær sé ekki ráðlegt að gefa blóð má finna á vefsíðunni www.blodbankinn.is eða í síma 543-5500.
.
Hvetjum alla til þess að mæta og styrkja við bakið á mikilvægasta banka Íslands.
#Stjornublod2015
Forsíðumynd: May the 4th Blóðsöfnun