Íslandsmeistaramót í Dominion haldið 1. júlí
Spilavinir héldu Íslandsmeistaramót í spilinu Dominion í fyrra og nú er komið aftur að því. Að þessu sinni fer mótið fram þriðjudaginn 1. júlí 2014 kl. 18:30 hjá Spilavinum, Suðurlandsbraut 48. Sigurvegarinn vinnur sér inn þátttökurétt á heimsmeistaramóti Dominion sem verður á GenCon í Indiana í Bandaríkjunum í ágúst.
Á heimasíðu Spilavina er fjallað nánar um spilið og mótið:
Fyrir þá sem ekki þekkja er Dominion skemmtilegt og krefjandi borðspil sem byggir á spilastokkum. Hver leikmaður byrjar með 10 spil en smátt og smátt kaupa leikmenn spil inn í stokkinn til að stækka og bæta sitt „konungsveldi“. Einn leikur af Dominion tekur bara um 30 mínútur og hver leikur er mismunandi.
.
Á mótinu verða spilaðar þrjár umferðir af þriggja og fjögurra manna leikjum. Þeir sem koma stigahæstir úr þeim umferðum spila undanúrslita- og úrslita leiki upp á efstu sætin.
Til þess að skrá sig á mótið er nógi að melda sig á Facebook eða senda tölvupóst á spilavinir@spilavinir.is.
-BÞJ
Þú hefur kannski áhuga á þessu...
Borðspiladagurinn – Spilað út um allan heim laugardaginn 28.apríl →
Alþjóðlegi borðspiladagurinn 2017 – Spilavinir og Nexus með dagskrá →
Alþjóðlegi borðspiladagurinn 2016 – Spilavinir og Nexus með dagskrá →
