Helgarbíó fyrir börn og unglinga í Bíó Paradís
Frá og með næstu helgi hefur Bíó Paradís sýningar á barna- og unglingakvikmyndum alla laugardaga og sunnudaga kl. 16:00 og 18:00. Boðið verður upp á áhugaverðar barna- og unglingakvikmyndir sem hlotið hafa viðurkenningar um allan heim. Meðal mynda sem verða sýndar eru Ernest og Celestína, Mamma, ég elska þig og Wadjda.
Klassískar kvikmyndaperlur
Í vetur verða einnig sýndar, í bland við nýjar kvikmyndir, klassískar barna- og unglingamyndir frá mismunandi tímabilum. Á boðstólunum verða gamlar ævintýramyndir á borð við The Goonies, Willow og Labyrinth, nýlegar Disney teiknimyndir, myndir um Prúðuleikarana, Bangsímon, Kalla kanínu og margt fleira. Þessar sýningar eru kjörið tækifæri fyrir fullorðna fólkið til að enduruppgötva barnið í sjálfum sér í sannkallaðri nostalgíu æskuáranna á sama tíma og börnin fá að upplifa margar af perlum kvikmyndanna í bestu mögulegu gæðum á hvíta tjaldinu.
