Laugardaginn 2. febrúar verður Japanshátíð haldin á Háskólatorgi í Háskóla Íslands. Japanshátíð er hátíð sem er á vegum nemenda og kennara í Japanskri mál og menningu á Hugvísindasviði Háskóla Íslands.
Á hátíðinni verður boðið upp á fjölbreytta dagskrá milli kl. 13 og 17 þar sem gestir geta meðal annars skellt sér í karókí, horft á japanskar dramaseríur og bíómyndastiklur, fengið nafn sitt skrifað með skrifletrum japönsku og bragðað á léttum veitingum.
Einnig verður búninga keppni, eða nánar tiltekið cosplay keppni, þar sem keppendur klæða sig upp sem karakterar úr japönskum teiknimyndum, tölvuleikjum, eða einhverju öðru sem tengist Japan á einhvern hátt.
Skráning í keppnina fer fram á Háskólatorgi frá kl 13:00 sama dag, en keppnin sjálf verður haldin kl. 15:30.
>> Smelltu hér til að skoða cosplay keppnina á Facebook.
>> Smelltu hér til að skoða heimasíðu Japanshátíðar.
– BÞJ