Black Mesa: Source kominn út!
Eftir langa bið (2004-2012) hefur Black Mesa loksins verið gefinn út en leikurinn er endurgerðleiksins Half-Life. Búið er að færa leikinn yfir í grafíkvélina Source Engine og hafa þeir hjá Black Mesa Modification Team (BMMT) byggt leikinn frá grunni í þeirri vél.
BMMT bætti líka við borðum, nýjum módelum, tónlist og talsetningum, og mega þeir sem hafa klárað Half-Life áður því búast við nýrri upplifun.
Þið getið búist við gagnrýni frá Nörd Norðursins þegar við höfum spilað leikinn í ræmur.
Þeir rukka ekki fyrir leikinn heldur gefa hann út frítt!
Hægt er að nálgast leikinn og fleiri upplýsingar um hann á heimasíðu BMMT, blackmesasource.com.
– DPJ
Þú hefur kannski áhuga á þessu...
Leikjavarpið #52 – PlayStation 5 Pro og umdeild Xbox auglýsing →
Half-Life heldur upp á 25 ára afmæli →
Austin Powers heimsækir Mass Effect →
