Hugleikjafélag Reykjavíkur heldur Warhammer Fantasy mót
Hugleikjafélag Reykjavíkur heldur Warhammer Fantasy mót helgina 8.-9. september næstkomandi.
Eftirfarandi upplýsingar um mótið voru birtar á spjallborði Warhammer.is þann 1. ágúst:
Hugleikjafélag Reykjavíkur stendur fyrir stærsta móti ársins í Warhammer Fantasy helgina 8.-9. september í spilasal Nexus, Hverfisgötu 103.
Spilaðir verða fimm leikir, þrír á laugardegi og tveir á sunnudegi. Málningarkeppnin verður á sínum stað á sunnudeginum. Verðlaun verða veitt fyrir þrjú efstu sætin og fyrir flottasta herinn.
Hámarks stærð á herjum er 2250 punktar og allur herinn þarf að vera málaður og frágenginn skv. reglum ICE-GT.
Mjög mikilvægt er að spilarar séu búnir að kynna sér reglur ICE-GT tímanlega og þau scenario sem á að spila.
Reglur eru hér (aðeins ensk útgáfa, íslensk útgáfa kemur bráðlega) og scenarios eru hér.
Nauðsynlegt er að tilkynna þátttöku á mótinu fyrir mótsdag, 8. september. Þeir sem ekki geta gert það í spilasalnum geta gert það hér á spjallborðinu eða sent tölvupóst á warhammerdomari@gmail.com. Taka þarf fram nafn, her, símanúmer og/eða tölvupóstfang. Mótsgjaldið er 2000 kr. og greiðist til Hugleikjafélags Reykjavíkur í afgreiðslu spilasalar Nexus. Það er ekki nauðsynlegt að borga mótsgjaldið við skráningu en það er æskilegt.
Það verða þrír dómarar á mótinu, Halldór, Rúnar og Þórarinn. Reglur um dómgæslu verða eins og í fyrra þ.e. dómari getur aldrei dæmt í sínum eigin leik og ef spilari er ósáttur við úrskurð hjá einum dómara getur hann kallað eftir sameiginlegu áliti tveggja dómara.
Þar sem dómarar munu spila um verðlaun á mótinu að þá á ekki að senda herlista fyrirfram, en það verður gerð sú krafa að herlistinn sé búinn til í nýjustu (eða góðri) útgáfu af Army Builder og að herlistinn stemmi samkvæmt forritinu. Aðgengi að AB verður í salnum alla miðvikudaga og morguninn áður en mótið byrjar fyrir þá sem ekki hafa aðgang að forritinu heima hjá sér.
Nánari upplýsingar fást á spjallborði Warhammer.is.
– BÞJ
Mynd: Merki Hugleikjafélags Reykjavíkur
Þú hefur kannski áhuga á þessu...
Leikjavarpið #26 – Ratchet & Clank, Steam Deck og Activision Blizzard kæran →
Ring Fit áskorun í febrúar! →
Leikjavarpið #20 – Væntanlegir leikir 2021, Indiana Jones og Star Wars →
