HR-ingurinn fer vel af stað
LAN-mótið HR-ingurinn 2012 fer vel af stað. HR-ingurinn er stærsta LAN-mót landsins og er haldið árlega í húsakynnum Háskóla Reykjavíkur. Þegar blaðamann Nörd Norðursins bar að garði laust fyrir átta í gær voru þegar rúmlega 100 manns búnir að setja upp tölvurnar sínar. Aðstaðan fyrir tölvuleikjaspilun var til fyrirmyndar, en fólk var byrjað að spila sína uppáhalds leiki. Á flöktandi tölvuskjám víðsvegar um anddyri Háskóla Reykjavíkur glitti í leiki á við Counter- Strike, League of Legends og Starcraft II, en keppt er í tveim síðastnefndu leikjunum á LAN-mótinu.
Keppni í League of Legends og Starcraft II stendur nú yfir, og eru flestir mætustu spilarar Íslands mættir til leiks. Vegleg verðlaun eru í boði fyrir sigurvegaranna, en meðal þeirra eru tölvufylgihlutir frá Nýherja, bíómiðar, gos og gjafabréf frá Kísildal og Dominoz. Þar fyrir utan er peningapottur í League of Legends keppninni sem League of Legends spilararnir borguðu í með þáttökugjaldi sínu.
Hægt er að fylgjast með leikjunum í League of Legends og Starcraft II á hlaðvarpi HR-ingsins, en leikjunum er lýst á íslensku. Þeir sem vilja hins vegar fá stemmninguna beint í æð geta farið niður í Háskóla Reykjavíkur, keypt sér pítsu og gos, og fylgst með leikjunum í beinni á breiðtjaldi.
Hlaðvarp HR-ingsins fyrir League of Legends
Hlaðvarp HR-ingsins fyrir Starcraft II
– KÓS
Þú hefur kannski áhuga á þessu...
Gzero kveður – Lokakvöldið í kvöld →
Leikjavarpið #28 – PlayStation Showcase 2021, Twelve Minutes og Daði Freyr →
Spilar retróleiki til styrktar Barnaspítala Hringsins →
