Svo virðist sem það eigi að byggja á velgengni bókaseríunnar A Song of Ice and Fire eftir höfundinn George R.R. Martin og þáttanna Game of Thrones, sem byggðir eru á sögu hans, og búa til tölvuleik.
Þættirnir Game of Thrones hafa slegið í gegn og er harla skrýtið að reynt er að horfa á fleiri möguleika til að auka söguna, kynna fleiri persónur og reyna að græða á vinsældum. En samt sem áður verður þetta áhugaverður leikur og við hjá Nörd Norðursins munum fylgjast vel með framvindu leiksins.
Það er ætlað að leikurinn sé MMO (Massive Multiplayer Online) sem er ein erfiðasta týpa af leik til að hanna svo að leikurinn fagni sem mestri velgengni. Því hefur fyrirtækið BigPoint stórt verk fyrir höndum .
BigPoint eru ekki nýgræðingar í að búa til leiki eins og sést á leikjaheimasíðunni þeirra og verður gaman að sjá hvaða sýn og tækni þeir eiga eftir að nota við gerð leiksins. Verður þetta leikur með teiknimyndarlegu ívafi eða drimmu og drungalegu andrúmslofti?
Það er gaman að segja frá því að BigPoint mun nýta leikjaforritunarumhverfið Unity til að búa til leikinn, en Unity hefur verið að stækka markaðshlutdeild sína í tölvuleikjaheiminum töluvert síðustu misseri. Unity hefur verið fljótt að hoppa á lestina í tækninýjungum og styðja þeir leikjaforritun fyrir bæði Android og iOS, síðan auðvitað fyrir gömlu góðu PC-tölvurnar líka.
Hægt er að nálgast part af Unity fríkeypis og mælir höfundur með því, enda ótrúlega þæginlegt umhverfi til að leika sér að búa til litla eða stóra leiki. Síðan er ekki verra að íslendingurinn Davíð Helgason sé einn af aðalmönnunum bakvið Unity umhverfið. Ísland bezt í heimi?
– DPJ